作者：認真小毒毒 | POSTED ON 25 MARCH 2022
大家好，今次會開箱嘅成人用品係由RIDE JAPAN推出嘅「柔嫩肉褶MAFIA」，係一款波浪褶皺構造嘅自慰器。
近期RIDE JAPAN嘅動向簡直係日新月異，應該係自「天下一穴」之後又再帶起嘅新一波熱潮，好似天下一角、惡魔快樂混沌旋轉呢啲異想天開嘅新概念意外地受歡迎之餘，仲要食住個勢再推8重螺旋處女CQ呢款不敗之作，呢排真係畀RIDE JAPAN搶盡風頭，相比之下其他品牌就要再加把勁啦。
首先睇睇內部構造係咩玩法，今次就用熟悉嘅Bungee Touch材質製作，滿佈高低起伏嘅鋸齒狀肉褶，雖然形狀上好似同市面上好多自慰器差唔多，但係要講到完全相概念嘅構造又真係好似無。
對比RIDE JAPAN最近幾款新作嘅插圖都係啲淫蕩大姐姐feel，今次就罕有地用上偏少女嘅風格呢。
開箱
重約310g，全長約15.5cm。
圖中可能睇得唔係太清楚，本體上側有個三段箭咀嘅圖案，唔知有咩含義呢？
300g水平嘅重量嚟講係個稍長嘅尺寸，睇嚟為咗長尺寸而犧牲咗肉厚度，又或者可以話RIDE JAPAN對佢哋嘅構造不嬲都好有信心呢。
Bungee Touch材質偏軟帶輕微氣味同出油度，相信有部分玩家都對呢個材質非常熟悉啦。
入口採用仿真陰部形狀，呈一個掰開嘅狀態，似乎係為咗貼合男性陰莖形狀嘅設計呢。
打開入口附近見到有六塊大形嘅垂直褶皺，驟眼之下有少少螺旋處女嘅影子。
內部並唔係所有波浪褶皺都呈相同形狀，可以見到中間位置有一行特別厚嘅凸起紋路，話晒係RIDE JAPAN嘛，點都唔會咁單調嘅。
*內反動作只屬評測之用，請勿模仿。
*如因任何使用不當導致產品損壞，本公司恕不負責。
試用
當我將陰莖放入自慰器嘅一刻，可以好直接咁感受到自慰器應有嘅舒適感傳遞到陰莖之上，好似講緊廢話咁，但係要做到呢種效果其實真係唔容易，有用開嘅玩家都知道，有時真係要用一段時間先真正感受到內部構造嘅感覺，而今次呢款就直情一插入就感受得到！
換句話說，其實係入面嘅波浪肉紋形狀設計得非常巧妙，當插入嘅時候陰莖同肉紋相互摩擦，營造出一種好似蠕動咁嘅感覺，雖然呢種效果絕對唔算係一種全新嘅插入感，但係配合Bungee Touch柔嫩材質，再加上紋路嘅起伏程度，形成一種難以形容嘅插入感同褶皺嘅穩定性，傳來一陣陣酥麻嘅快感。
唯一有少少可惜嘅就係長身尺寸導致最關鍵嘅中段刺激位肉厚不足，而且材質偏軟令感覺再稍為削弱，不過對於整體平衡感又唔算係太大影響，就當係一個中段休息位去看待啦。
整體嚟講，今次呢款「柔嫩肉褶MAFIA」相信對於新手、中級者甚至老手都能夠獲得充分嘅滿足感，不過管道就屬於稍為偏刺激嘅觸感，可能唔太適合中意舒適慢玩嘅玩家啦。
*試用文內容只屬用家意見，實際用感因應個人體質情況以及使用方式而異，不能保證效果完全相同。
相關成人用品︰柔嫩肉褶MAFIA
想睇更多小編嘅分享？即Like 18 Gifts Facebook: www.facebook.com/18gifts
Copyright©2013 – 22 | 18 Gifts – 成人用品 | 版權所有，未經許可，不得轉載。
#成人用品 #性用品 #性商店 #飛機杯 #自慰器 #按摩棒 #震蛋
