作者：認真小毒毒 | POSTED ON 9 DECEMBER 2021
大家好，今次會開箱嘅成人用品係由RIDE JAPAN推出嘅「惡魔快樂混沌旋轉」，係一款異次元刺激構造嘅自慰器。
如果參考返RIDE JAPAN喺上年年尾嘅產品進度，我諗2021年嘅進度應該都差唔多踏入尾聲了，計埋今次呢款最多都係開多兩款左右，係時候期待一下出年又會有咩新搞作啦。
惡魔快樂⋯睇嚟係RIDE JAPAN為咗對抗魅魔或者妖狐嗰啲異世界主題而設計嘅新概念喎，不過諗深一層，其實都冇乜必要特別再設計，因為RIDE JAPAN嘅構造不嬲都已經係天馬行空偏異世界風格㗎啦。
今次嘅構造特色主要就係以回轉為題，驟腿睇好似都唔係好睇得明究竟係做緊咩嘅構造，似乎係想表達內部構造以上下角度同左右角度切開分別會得出唔同嘅形狀。
可能我對呢啲立體構圖嘅理解能力上比較差，睇咗好耐都係唔係好明究竟點解同一條管道可以分到兩種唔同構造出嚟，究竟係RIDE JAPAN嘅技術太過不可思議定真係純粹係我太蠢呢？
開箱
重約400g，全長15cm。
入口部份就好似一個腫起咗嘅菇狀物體，再加上表面加入咗一啲粗糙嘅紋路裝飾，勁似碌粗大版嘅陰莖。
材質偏軟帶輕微氣味同出油度，採用嘅係製作量已經達到500萬個，認知度最高嘅Bungee Touch素材。
入口係個相當簡單嘅圓形洞口，略帶凹陷槽。
打開可以見到相當常見於RIDE JAPAN嘅直紋構造。
目測除咗直紋呈波浪形隆起嘅構造之外，喺紋路之間再有一啲係貼住肉壁「生長」嘅紋路，兩種肉紋巧妙地交錯，唔知係咪就係因為咁所以形成一開始見到兩種唔同嘅切面圖。
*內反動作只屬評測之用，請勿模仿。
*如因任何使用不當導致產品損壞，本公司恕不負責。
試用
廢話唔多講，一句講晒就係混合咗好多種唔同要素嘅豐富插入感，有多重嘅臃腫凸起感、波浪肉紋蠕動感、好似塞咗啲椰果入去咁嘅顆粒感、同埋肉壁部份嘅紋路摩擦感，整體感覺非常多姿多彩，亦都好難去評定究竟邊一種構造先係呢款自慰器最主要嘅特色。
為咗試真啲佢嘅感覺，我二話不說排出空氣，直接開始活塞抽插，內部構造嘅整體感覺非常刺激，每一種要素就好似有自我意識一樣，不斷互相配合帶俾你最強烈嘅刺激感，就好似你嘅伴侶一早已經對你嘅敏感帶明如指掌，實在係一個相當優秀嘅內部構造。
如果跟返佢嘅設計概念以回轉嘅方式抽插嘅話，的而且確係可以感受到凸起部分清楚地擊打陰莖刺激，而且紋路同回轉動向嘅配合度亦都唔錯，但係相比之下，普通嘅活塞抽插反而更能夠將構造特色帶出，反而轉動嘅時候仲有機會令構造嘅感覺變得含糊添，就我個人而言，就咁上下抽插嘅玩法已經相當之足夠啦。
*試用文內容只屬用家意見，實際用感因應個人體質情況以及使用方式而異，不能保證效果完全相同。
相關成人用品連結︰惡魔快樂混沌旋轉
想睇更多小編嘅分享？即Like 18 Gifts Facebook: www.facebook.com/18gifts
Copyright©2013 – 21 | 18 Gifts – 成人用品 | 版權所有，未經許可，不得轉載。
