編：18 Gifts | POSTED ON 30 APRIL 2024
▋無意勃起係乜嘢？究竟係點樣形成㗎？
無意勃起，就係指喺無接觸或者幻想任何色情內容，卻不自覺咁突然勃起嘅現象。
想信男生們都可能會有類似經驗，明明無特別去諗緊咩衰嘢，又或者感到困倦疲累嘅時候，無啦啦就勃起咗，咁嘅現象我哋稱之為無意勃起。
通常我哋朝早起身嘅時候勃起嘅現象，會叫做晨勃。
但係呢個並唔單止喺朝早，而係喺任何時候都會突然勃起，不過其實兩者嘅原理都十分之相似！
首先勃起現象係當副交感神經佔優先嘅時候較為容易發生嘅，所以當我哋覺得困倦或者放鬆嘅時候，無意勃起就會發生。
當交感神經處於優先狀態時，平滑肌會收縮，令到血管收緊，血液流入陰莖嘅量就會減少。
但係當身體放鬆嘅時候，副交感神經就會取代優先位置，呢個時候平滑肌就會鬆弛，從而令血液就會大量流入陰莖，引發勃起。
呢個就係無意勃起嘅發生機制。
換言之，係好無聊嘅課堂、會議，甚至係日常於辦公室進行簡單又沉悶嘅工作嘅時候都好容易發生，真係好令人尷尬呢……
好似小編數學就最差嘅，記得以前返學時每次上數學堂都悶到瞓著，轉個頭就發現下面一柱擎天，哈哈。
再加上男仔返工返學多數都係著西褲，無意勃起嘅現象就更加容易比人發現！
因為西裝褲本身設計就比較貼身，所以如果完全勃起嘅話下身就會感覺變到好擠迫。
如果喺無意勃起嘅狀態下有客人到訪或者要起身應門，就真係一場災難啦。
又無理由為咗令自己唔好勃起搞到要喺課堂或者工作上長期保持緊張嘛。
所以，最好嘅解決辦法就係盡快尋找方法令自己軟返落嚟。
▋無意勃起的快速止勃方法5選
知道無意勃起發生嘅原因之後，你就明白要防止佢發生嘅方法基本上係冇可能嘅。咁要點做至好啊？
雖然防止勃起近乎係無可能，不過小編都可以教你幾招快速止勃嘅方法！
- 腦海中默念九九乘法
呢個方法係希望透過用九九乘法嚟佔據大腦嘅空間，從而逼走佢諗色情事物嘅容量。
當然九九乘法只係其中例子，你亦都可以諗啲完全與色情無關嘅嘢，總之越係複雜、越需要專心思考嘅事物就越好，腦部就會需要更多血液供應，令到陰莖嘅血液量相對減少，勃起自然會停止。
要訣就係要完全唔可以諗你嘅下身！如果大腦意識轉向陰莖，血液就會隨之流向陰莖，令情況更加難以控制。同埋，千祈唔好專登去諗「我要止勃！」呢啲嘢，否則可能會令到你陷入無限嘅負面循環，進一步加劇情況嘅嚴重性！
- 回憶創傷或者黑歷史
呢個同樣都係轉移注意力嘅策略。
回想嘔心嘅事情令自己情緒低落嘅方法亦係十分常用！
其中常見嘅例子就好似諗起討厭嘅人個樣，或者係想像返一啲恐懼嘅經歷都係得。
你亦可以事前諗定幾個唔同情境嘅版本，以備不時之需。
再極端嘅話，據說想像自己嘅陰莖被刀切開嘅畫面，就會即刻平息勃起…
真係聽到都覺得痛。
「以恐懼令陰莖平伏」絕對係一個有效嘅手段。
增加焦慮嘅感覺，靠緊張狀態令到勃起平息。
唯一缺點就係可能會對自己造成心理傷害啦…。
- 舉起雙腳
呢個方法基本上要喺坐低嘅時候先可以用到，但舉起雙腳的確有其所效！ 勃起係因為陰莖充血所致，解決呢個問題就可以解決。
舉起雙腳會令骨盆周圍嘅血管緊張收縮，令血液唔容易流向陰莖！ 如果你係坐喺辦公室工作或者課室上堂嘅話，你就可以偷偷地喺枱底下做！
額外提示，如果喺勃起未完全解決之前就放鬆雙腳，血液就可能會一下子流返陰莖，所以要小心注意！
- 全身嘅肌肉都用力
當肌肉用力嘅時候，交感神經會處於優位。
正如上面所述，勃起係副交感神經處於優位時發生的現象，所以用呢個方法就可以做到相反效果！
同樣地，用力收縮肌肉，亦有助於將血流從陰莖集中分散到肌肉！
主要係集中用力於下半身，特別係腳部嘅肌肉就更佳。
因為鼠蹊動脈靠近陰莖同腳嘅根部，所以效果最為明顯。
- 揉捏手腕或大腿
呢個係當你覺得困倦同時又勃起嘅時候最有效嘅方法。
如果你覺得眼瞓嘅話，首先要刺激下自己，保持清醒至關重要！
最好仲可以企起身伸展下，不過有時情況唔太許可，好似上緊堂或者工作嘅時候就比較難做到啦。
喺呢個時候，造成痛楚係最有效果嘅方法！
痛楚唔單止可以分散意識離開陰莖，仲可以令你由放鬆狀態迅速清醒過來。
▋無意勃起嘅時候最緊要唔好焦急！
唔同方法可以解決勃起問題，可以試多啲，搵到啱自己嘅方法。不過，每次用同一個方法都有可能導致止勃效果減弱，所以建議試多幾種方法。
男士們都明白重要場合突然無意勃起咗，確實會令人好焦急！但係過份焦慮，反而會令你更加注意到陰莖，令情況更加難以控制。 先深呼吸，冷靜返，然後就要實行對策，唔好俾情況控制你，再多加練習，你嘅勃起都可以變到操縱自如！
想睇更多 18 Gifts 嘅分享？即Like 18 Gifts Facebook: www.facebook.com/18gifts
Copyright©2013 – 24 | 18 Gifts – 成人用品 | 版權所有，未經許可，不得轉載。
