COROMO IBO .
作者：認真小毒毒 | POSTED ON 18 NOVEMBER 2022
今次要開箱嘅成人用品係由G PROJECT推出嘅「 COROMO IBO 」，係一款三層構造嘅自慰器。
一講到混合材質嘅自慰器，相信日本敢認第二都無其他人夠膽認第一啦，唔同嘅廠方都致力研發出各種異想天開嘅內部構造，你諗到嘅，佢哋一早做咗，你諗唔到嘅，佢哋都做埋，真係不得不佩服日本人嘅創造力阿。
今次就由G PROJECT推出呢款三層構造嘅「COROMO IBO」，由硬質嘅外層包住「Ultra Soft」超軟熟內層，內部管道再以另一種材質製作而成。
簡單嚟講就係用超軟熟材質去包住內部管道，帶出溫柔無壓迫嘅包裹感，再用外層嘅硬質素材去鞏固住軟熟材質，用硬質外層包住柔軟內層嘅做法就好常見啦，好多二層構造嘅自慰器都係咁樣設計，不過管道再用另一種材質去做嘅就好似真係今次首創啦。
順帶一提G PROJECT首次用到Ultra Soft材質嘅係呢款「KUU-SOU ULTRASOFT」，個名都已經開門見山咁表明咗啦，不過呢款就無做任何多重構造，所以本體嘅柔軟程度係近乎液體嘅，如果有上過手嘅朋友應該就知道點解今次要用硬質素材去「鞏固」住啦。
相關文章︰試用報告 / 開箱文 － KUU-SOU ULTRASOFT 極緻柔軟
開箱 COROMO IBO
重約560g，全長17cm。
以三條大坑紋將本體分成四份，成舊日式叉燒咁嘅觀感，呢種設計亦都令自慰器睇落更加有肉厚感。
撳落去有種難以形容嘅感覺，大概就好似BBQ燒棉花糖燒到外脆內軟嘅質感，外層雖然係偏硬，不過就做得相當薄，所以輕輕掂落去已經會feel到入面嘅軟熟層，形成呢種咁奇妙嘅質感。
先前都有講到啦， 本身 呢種材質我係遠到接近液體嘅存在，就算今次用偏硬外層包住咗，見到呢個下垂度都多多少少可以感受到佢嘅柔軟啦。氣味方面唔算嚴重，尤其是係出油度用外層材質包住之後真係改善咗好多，記得之前開箱KUU-SOU嘅時候嗰種出油度真係呢……用完之後對手好似食完炸雞薯條咁阿。
喺螺旋狀嘅紋路中間有個非常細小嘅插入口（唔知點解諗起火影）
外層材質的影響令入口變得相當緊窄，裏面嘅深紅色材質摸落係偏硬，同外層相比有少少類似又唔似得晒，與其用硬去形容，可能「煙韌」反而會更加貼切。
*內反動作只屬評測之用，此舉有機會損壞自慰器內部構造而降低其耐用度，不建議模仿。
*如因任何使用不當導 致產品損壞，本公司恕不負責。
試用
首先講講個插入感，由硬質外層將軟熟物料包住，以增強包裹感同緊密感嘅概念的而且確能夠做到，將本來單靠柔軟材質唔會做到嘅包裹壓力感覺完美彌補。而內部管道嘅二層材質亦都保持咗Ultra Soft嘅柔軟感，微細肉粒又帶到一種恰到好處嘅刺激感，喺唔會破壞柔軟感嘅同時亦都唔會令內部構造淡然無味，絕對係將平衡感控制得無可比擬。
如果要夾硬挑剔嘅話，可能就會係最深處嘅子宮位做得有些少狹窄，當龜頭進入嘅時候就會被緊緊扣住，同前面嘅微細肉粒輕柔刺激相比，子宮嘅刺激感絕對係強烈得多，如果係玩開龜頭刺激嘅朋友可能會鐘意啦，不過以整體插入感嚟講我就覺得會有少少破壞咗平衡感啦。
基本上大部分嘅刺激都係集中於微細肉粒同埋子宮，再加上柔軟材質嘅包裹，然後就無其他特別，不過作為慢玩系嘅自慰器都叫做可以理解嘅，而且刺激度嘅平衡控制得咁完美我覺得都已經算係超額完成，唯一一點就係入口位真係一大敗筆，因為入口部分嘅位置都係由硬質素材包裹住，再加上細到好似後庭一樣嘅入口尺寸，當插入之後，入口就好似個鎖精環一樣緊緊箍住你嘅莖部，令到本來柔軟舒適嘅內部多咗一種違和感呢…
整體嚟講今次呢款作為慢玩自慰器嘅完成度非常好，如果能夠改善到唯一敗筆嘅插入口同子宮口過於緊窄，相信吸引程度會更高啦。
*試用文內容只屬用家意見，實際用感因應個人體質情況以及使用方式而異，不能保證效果完全相同。
開箱短片：
相關成人用品︰COROMO IBO
想睇更多小編嘅分享？即Like 18 Gifts Facebook: www.facebook.com/18gifts
Copyright©2013 – 22 | 18 Gifts – 成人用品 | 版權所有，未經許可，不得轉載。
#成人用品 #性用品 #性商店 #飛機杯 #自慰器 #按摩棒 #震蛋
