任性電動自慰器 四代 .
作者：認真小毒毒 | POSTED ON 6 JUNE 2022
今次要開箱嘅成人用品係由exe推出嘅「 任性電動自慰器 四代 」，係任性電動系列嘅續作。
無錯，又係任性系列嘅電動自慰器新作，有follow嘅朋友應該都知道exe嘅任性系列非常之咁多花款，上至口交杯，下至仿屁屁名器，總之你諗到嘅應該都會有。不過近呢兩三年，唔知exe做乜非常熱衷於電動杯之中，每隔一排就會見到有任性電動自慰器嘅新作，到今時今日已經出到第四代，如果計埋個「輕便版」嘅話就足足出咗五款，唔通真係想轉型做電動杯市場？
為免有新手唔太熟悉任性電動杯系列嘅款式，喺度都係再簡單介紹多次啦，「第一代：旋轉+抽插」、「第二代：震動+按壓(?)」、「第三代：抽插」、「輕便版：震動」，而今次呢款第四代就係純旋轉，就咁單純睇功能嘅話，好似一代比一代退化…？
而exe都好似自己知自己事，專登喺包裝到加咗句「加埋自己活塞就可以享受旋轉×活塞嘅體驗」，硬係覺得好似有少少此地無銀嘅感覺，你不如攞個普通自慰器，然後話自己用手震動再加旋轉可以體驗電動杯嘅感覺……算啦，吐槽都係點到即止就夠，即管睇下今次嘅旋轉特化有咩咁巴閉。
開箱 任性電動自慰器 四代
首先附屬品方面都係大同小異啦，叉電線、耳機、潤滑液、固定用台座同埋說明書，雖然好似好豐富咁，事實上除咗叉電線之外都係啲可有可無嘅嘢(笑)。
重約718g，全長27cm左右。
作為單功能嘅電動杯本體似乎有啲偏大，配以啞黑色塗層表面，自慰杯嘅部分就用咗透明材質，畀你清楚觀察轉動時表現。
操作介面亦都相當簡單啦，只有左邊嘅開關掣同右邊嘅切換模式掣，開機之後呈橙色提示燈。
一共有7種旋轉模式，由箭咀嘅方向睇落似乎都係得向一個方向旋轉。
底部同前幾代一樣好似相機架咁用螺絲固定台座，而隔離嘅係耳機孔。
依然係由そよかぜみらい負責聲演，大約10分鐘左右嘅流程，內容係咩我就無心機聽晒啦，主要係呢個發聲功能真係太求其，由第一代開始個音質已經係好似就快壞嘅收音機咁，再加埋個廢過12蚊店嘅耳機……
其實發聲功能嘅諗法真係唔錯，而且仲專登搵埋聲優，如果可以再改善好啲嘅話相信會更受歡迎。
打開外殼，插入口係同初代差唔多嘅仿陰部蓋，不過就換咗做透明材質，而且摸落亦都似乎比初代更硬身。
記得我當時開箱初代嘅時候講過，嗰塊陰部蓋周圍係無做任何固定，當插入摩擦嘅時候就會反起，所以今次就改善咗…？
Umm…我都唔知講咩好，
用後只需要喺機身同透明殼中間輕輕一扭就可以分離，直接攞出內部嘅自慰膠清洗。
呢個就係自慰膠本體、睇落就好似個普通嘅小型自慰器一樣，不過佢嘅內層似乎裝咗啲硬片入去支撐形狀，所以就做唔到內反啦。
內部係肉粒為主嘅構造，材質稍為偏硬，手感都相當唔錯。
自慰膠底部同本體內博登設計到有個扣位將兩者固定住，所以就算搵到其他啱size嘅自慰器都好，都唔可以互換落去用啦。
試用
雖然只係得個好單調嘅旋轉模式，本來以為用落應該唔會有太大驚喜啦，但係又意外地比想像中好用得多，以電動杯嘅實用程度來講可以話係相當唔錯，因為個內部構造唔係普通嘅規律肉粒構造，而係大大小小嘅肉粒刺激形成咗各種唔同嘅重點感覺，所以就算佢只係得旋轉模式都唔會話太過單調，反而係可以持續為陰莖提供舒適刺激感嘅旋轉運動。
而且自慰膠嘅材質唔會太軟亦唔會太硬，將肉粒嘅刺激感都控制得恰到好處，帶出相當穩定嘅舒適感。
至於旋轉力度方面，雖然最慢嘅模式都唔會弱到卡住停低，不過亦都無特別強力嘅模式，就算係最快嘅模式都硬係差少少咁，呢點就有啲可惜啦。
由入口開始計，內部長大概有15-16cm，一般亞洲男士嘅長度應該可以插入至緊貼身體嘅程度，完全唔會有任何虛位，電動杯可以做到咁完美嘅規格真係唔多，當你插入到深處嘅時候，底部嘅肉粒會直接撞擊龜頭，並且緊密纏繞，透過切換模式可以體驗到唔同嘅刺激變化。
跟住落嚟我嘗試官方嘅建議玩法，就係靠自己再做活塞運動，雖然玩得電動杯仲要自己郁我都覺得有少少唔對路…不過試過之後又發覺其實真係唔差喎，將本體固定喺枱面上，再靠自己腰力去做活塞抽插，就好似玩緊一個會旋轉嘅置床底大膠咁，加上入口嘅仿陰部蓋相當厚實，即使我大大力向前推動腰部抽插碰撞，呢塊部件都可以達致非常好嘅緩衝效果呢。
系列咁多款當中我諗最啱我胃口嘅就係今次呢款，功能簡單得來又不失實用性，不過如果可以換自己中意嘅膠入去玩就更加好啦。
*試用文內容只屬用家意見，實際用感因應個人體質情況以及使用方式而異，不能保證效果完全相同。
相關成人用品︰任性電動自慰器 四代
想睇更多小編嘅分享？即Like 18 Gifts Facebook: www.facebook.com/18gifts
Copyright©2013 – 22 | 18 Gifts – 成人用品 | 版權所有，未經許可，不得轉載。
#成人用品 #性用品 #性商店 #飛機杯 #自慰器 #按摩棒 #震蛋
