成人用品開箱實測－任性電動自慰器七代

任性電動自慰器七代 .
作者：認真小毒毒 | POSTED ON 21 APRIL 2023

今次要開箱嘅成人用品係由exe推出嘅「任性電動自慰器七代」，係任性電動系列嘅第七代產品。

身為一個接觸自慰器多年嘅玩家，對於電動杯，個人建議就係「唔好貪平」，與其買嗰啲一千幾百嘅中價位電動杯，倒不如儲多少少錢直接買個有牌子品質保證嘅玩。平價杯嘅實用價值實在太低，基本上如果係連個牌子名都未聽過嘅話真係可以直接SKIP，咁如果係熟悉嘅牌子加上人氣系列出嘅電動杯呢？似乎又可以一試喎，無錯，就係講緊exe嘅「任性電動自慰器」系列。

有追開嘅朋友就知，其實今次已經係第七代，所以廢話少講啦，即刻睇吓今次又有咩功能啦。

主要功能似乎就係「溫感＋活塞抽插」，特別係呢排忽冷忽熱嘅天氣，如果係對插入溫度都比較講究嘅玩家，電動杯上有埋溫感功能又真係幾方便。

但係，電動杯嘅「溫感功能」本身就係一樣唔太可行嘅玩意，之前都試過好多號稱有溫感功能嘅電動杯，但係真係冇乜邊個係出色嘅，唔係弱到感受唔到，就係暖感唔平均。

所以我會視「溫感功能」係個好勉強嘅性能，可能最終都係得活塞嘅功能係值得評價嘅部分。

至於配音發聲功能喺任性電動系列已經成為家常便飯啦，當然，相信有啲朋友都好喜歡呢啲ASMR系嘅配菜，唔需要再特別準備，亦都係其優點之一。

今次呢款七代嘅內部自慰膠就標榜採用咗「柔軟材質」，喺電動杯當中係比較罕見嘅做法，畢竟柔軟系嘅材質始終冇咁襟用嘛…

開箱實測任性電動自慰器七代

附屬品有耳機、充電線、潤滑劑同說明書，總共四樣。

呢個造型…呢個配色！！PS5，係你？！（X

重約650g，全長約26.5cm。

由於裡面搭配活塞式嘅軌道裝置，所以整體嘅尺寸感都相當長。

控制器部分好簡單，只有一個掣，長撳開關電源，再每撳一次就會切換模式。

溫感功能就無獨立嘅開關，只要開啟電源，溫感功能就會自動啟動，設計好簡單。

頂部有兩個孔，一邊係電源線，另一邊係耳機孔，不過因為採用咗圓弧形狀嘅設計就無法直立擺放，可能會有少少唔方便啦。

入口部分睇落就係一般自慰器嘅造型，近期嘅電動杯多數都係採用簡單易拆卸嘅設計，輕輕拉出嚟就可以拆卸，至於今次呢款似乎就固定得比較牢固，應該係有其他拆卸方式。

側面可以發現一個可拆式翻蓋，其實只係小磁鐵固定，所以非常容易拆除。

可以完全睇到內部嘅構造，自慰膠上面都仲有一個護蓋固定住。

再拆開呢個蓋嘅話睇落就係咁樣。

呢個就係拆出嘅自慰器本體，白色部份嘅磁鐵底部都係完全固定，所以清洗嘅時候都會一齊洗埋，不過磁石部分又無通電應該無咩大問題。

順帶一提，由於今次嘅部件係完全為特別設計，所以應該好難將其他自慰器強行放入去用啦。

內部嘅設計就係簡單嘅肉粒結構，雖然寫係寫柔軟材質啦，但實際硬度其實相對偏適中，氣味同出油度都係相對輕微嘅材質。

*內反動作只屬評測之用，此舉有機會損壞自慰器內部構造而降低其耐用度，不建議模仿。
*如因任何使用不當導致產品損壞，本公司恕不負責。

試用感想

為咗方便理解，先附上打開蓋嘅啟動畫面。出乎意料之外地，今次竟然係個固定入口嘅伸縮式電動活塞杯！

可能有人會唔明究竟固定入口即係咩，簡單嚟講就係好似上圖所示一樣，入口嘅部分以磁石部件固定住，令內部嘅自慰膠即使喺活塞運動嘅狀態下都唔會成個一齊郁，咁就可以避免到只有部分嘅陰莖感受到刺激嘅問題，因為一般嚟講，活塞類嘅電動杯都唔會將入口固定住，就好似上代嘅「任性電動自慰器六代」咁，而且入口嘅部分都會做得比較厚身，所以就算陰莖再長都好，都好難完全感受啦。

延伸閱讀：試用報告＆開箱文－任性電動自慰器六代

始終呢個係電動活塞式嘅自慰器，所以聲音都相當大，甚至可以話係有啲嘈，如果屋企有人喺度嘅話應該都好難唔比人發現。用隨附嘅耳機去聽嗰段錄音聲帶嘅話，因為耳機嘅隔音效果唔太理想，所以活塞嘅動作聲係會嘈到難以專注於錄音本身，當然你都可以用返平時用開隔音能音比較好嘅耳機就可以解決啦，不過呢個可能係使用上一個小小嘅不滿點啦。

的確佢同普通嘅電動杯好唔同，因為喺入口固定嘅狀態下內部嘅伸縮會帶出一種蠕動感，就產生出好似真實一樣嘅錯覺，明顯地今次比起以往嘅系列作係更加之舒服同驚喜。

喺一輪體驗過後都係覺得有少少美中不足，可能嘅原因首先係活塞嘅行徑太短，所以先會好似正話提到好似蠕動咁郁動，因為佢嘅可動範圍唔係好完美，要做到滿意嘅舒適感都有一段差距，但係要做到真正令人滿足嘅舒適感嘅話，相信自慰器嘅本體又會長到不堪入目，再次令我感嘆要研發電動杯真係難處滿滿啊。