試用報告/開箱文 - 星紋螺旋狹穴

試用報告/開箱文 – 星紋螺旋狹穴

測試員: 頭號RJ粉 | POSTED ON 18 Apr 2019

講開最近網上嘅熱門話題,莫過於早前天文學界EHT公開人類首張成功拍攝嘅黑洞照片啦,仲講到話咩張相其實只係影到陰影,要將所有數據整合出黑洞嘅輪廓再加上兩年時間沖曬,先至完成而家呢張我地睇到嘅照片,講到咁巴閉等我睇過~~


「吓,咁咋?」

可能小弟對天文嘢真係無乜興趣啦,我真係完全唔明有乜咁特別,仲誇張到話令全球觀眾屏息喎。唉,我呢啲毒L真係識條鐵咩,不過二次元嘅力量就已經極速將黑洞擬人化,我諗我都係啱呢啲多啲(嘿嘿..A_A

終於入正題,今次嘅主角同黑洞擬人化相當接近,係星星飛機杯化阿!嘩!屌星星(係咪完全無頭緒呢)?我聽到呢個概念嘅時候都完全想像唔到究竟點樣屌星星,一見到個包裝,又係Ride Japan?最近會唔會出得太多阿,好似對上一隻咩狹咩壓(激壓狹窄肉穴),雖然舒適度係唔差,但講到創新度就真係有少少失望,係呢一刻比起屌星星飛機杯本體係點,我更緊張嘅係Ride Japan會唔會步入重量唔重質嘅路線… (挑,最後你咪又係會乖乖地買埋)


嚟到包裝封面,以白色做主調十分搶眼,而今次女主角嘅衣著加埋坐姿,簡直無得頂!!Ride Japan嘅飛機杯就係連封面都一樣高汁,令人盒都未開就已經蠢蠢欲動欲罷不能阿!


「咦?呢個入口位…」

望住呢個飛機杯入口位嘅圖,令我有種似曾相識嘅感覺,出名金魚腦嘅我幾經辛苦終於記起,呢個形狀咪係HotPowers嘅「寶石之妖精2 星型波浪凸紋亂舞」囉!仔細觀察之下,寶石妖精嘅係六角星,而Ride Japan嘅就係五角星,人地寶石妖精仲要有分軟硬版,星角又多你一隻,Ride Japan你又輸一截啦~
謎之聲:先入為主是不好的行為喔


先少少介紹返,長度155mm,內長130mm,相當標準嘅Ride Japan長形設計,依舊係採用最討人喜愛嘅高彈素材,所以膠味同出油都唔算太過份。


打開包裝攞出飛機杯本體,265g重量加上偏柔軟嘅手感驟眼睇同其他Ride Japan嘅飛機杯無乜大分別,而杯身嘅上半部加咗啲好似磨砂咁嘅裝飾花紋,以我估計可能係為咗模仿插畫女主角嘅蕾絲襪而專登做成咁呢,老實講我個人唔太鐘意呢個設計。


有少少可惜嘅係,似乎我比較唔好彩買到個修邊唔太靚嘅膠lo,不過對實際使用上影響不大就無所謂啦~


至於內部管道方面,由於小弟都只係窮L一個,唔太敢直接反舊膠出嚟睇,喺呢度就附上官方嘅橫切面圖比大家睇啦。


先試一試手指插入,嗯…可以感覺到完全被星形肉紋包住,但係肉紋嘅分佈實在係太過密集,單靠手指始終唔能夠Feel到入面嘅details位。

終於正式上場,我嘅兄弟早已飢渴難耐,係時候入去探索個究竟!

試用報告/開箱文 - 星紋螺旋狹穴
OH MY GOD!!!?

對唔住阿Ride Japan大大இдஇ 插都未插就拎你同寶石妖精比係我嘅錯!!

雖然寶石妖精出咗都已經係有一段時間,我都已經唔係好記得係咩感覺,但都可以好肯定講呢個感覺完全唔同!佢又唔似係肉粒亦都唔似係肉紋,完完全全係全新嘅插入感,好清晰感受到五角星嘅凸起角位帶嚟嘅每一下刺激,就好似喺未知嘅洞穴中探索時,被無數小石塊擦身而過,嗰種輕輕碰撞嘅刺激感絕對係言語無法形容嘅新感覺!令我抖都未抖夠就已經想繼續第二回合阿!

用後感同就咁睇包裝會想像到嘅感覺差好遠,兩舊水嘅Ride Japan不失品質之餘反而仲有意外驚喜,用一句話嚟形容嘅話就係「訊息量好大嘅飛機杯」,每一下插入都將你由頭磨到尾,完全唔比你有任何休息嘅空間,加上肉厚感唔算十分強,雖然名叫狹穴又唔係十分狹,反而令佢變成即使係連續刺激系亦唔會令你一插即射嘅飛機杯,如果你玩厭咗手頭上嘅舒適系飛機杯(例如女優名器、仿真系),想挑戰下刺激系又怕太過火連舒適感都無埋,咁我諗呢款就絕對啱你心水啦!

評分 (5分最高)
滿意度:4.5
舒適度:4
刺激度:3
緊窄度:3
耐用度:4.5
抵玩度:5

_____________________________

相關連結:星紋螺旋狹穴

_____________________________

想睇更多小編嘅分享?即Like 18 Gifts Facebook: www.facebook.com/18gifts

Copyright©2013 – 19 | 18 Gifts – 成人用品店 | 版權所有,未經許可,不得轉載。

試用報告/開箱文 – 置床式名器 -Spider Fit- Standard[翻譯文章]
試用報告/開箱文 – 淫彈快感元素
Navigation
關閉

我的購物車

Viewed

Recently Viewed

Close

好高興見到你!

你的個人資料只會用作改善網站體驗、管理登入帳戶、或其他於隱私權政策內顯示之用途。

已經擁有帳戶?

貨品類別