話說有位曾經住喺 九龍坑新圍 嘅朋友嘅朋友講咗單恐怖經歷畀小弟聽，租屋時佢哋睇中呢間屋有花園空間大，而且出面有車位，業主又好似好好人，就租咗間屋，點知住落就出現好多問題
問題1 ：隔離屋起圍欄阻路
大家可以睇喺下面幅圖，都會見倒左邊有個圍欄。其實呢個欄係由隔離屋嘅女人所起，當時話係用嚟阻隔狗隻行去佢哋嗰邊搞佢哋嘅狗。喂大佬，下面咁大個窿真係阻倒狗？好明顯純粹係宣示主權，可想而知住落去會有幾麻煩。
問題2 ： 九龍坑新圍 業主亂扣按金，話你整污糟間屋唔畀返錢你
其實大家都可以睇返屋內外情況，我朋友交樓時嘅狀況都算唔錯，但係業主就用各種無理嘅藉口去扣減按金。藉口例如係「地板有污漬」、「冷氣機有污漬」、「牆身狀態唔好」等等。總之就係要扣起你按金，用各樣藉口唔畀返你。
問題3 ：租客入住 九龍坑新圍 村屋後，病痛多多生意差
其實呢個就唔知關唔關間屋事，只係順帶一提。當時住客有三個，最後一個生意愈做愈差，一個生cancer第三期，一個腎衰竭要去換腎。仲有其中一個話成日喺間屋聽倒小朋友聲，唔知真唔真（可能隔離真係有小朋友啦）。
問題4 ： 九龍坑新圍 車位突然被收回
佢哋租屋時本身係包埋一個車位喺屋企外面，仲寫埋喺合約上面，但係最後都畀隔離屋因為唔滿意沒收埋，搞到出入好唔方便。
總之大家就睇路，唔好話我唔提提你，如果你係睇梗喺「大埔九龍坑新圍」嘅下覆式村屋。就真係要諗清諗楚先好租喇！
村屋 / 複式村屋 / 下複式村屋 / 大埔九龍坑 / 新圍122號 / 九龍坑新圍122號 / 大埔九龍坑新圍122號 / 新界大埔九龍坑新圍122號 / 香港新界大埔九龍坑新圍122號 / 香港村屋 / 元嶺村屋 / 大埔元嶺 / Yuen Leng / No. 122 San wai, Kau Lung Hing, Taipo, New Terriories, Hong Kong
