測試員︰月經Post
月經杯使用分享
月經杯嘅載經量最大，排行榜如下：
月經杯 > 綿條 > 傳統衞生巾
建議配戴時間月經杯最長
月經杯：12小時
綿條：4小時
傳統衞生巾：2小時
月經杯保持清潔，可重覆使用長達5年
綿條同傳統衞生巾都係即棄，綿質過敏性反應機會高於矽膠
因為我經常要外出工作，選擇容量大小合適嘅月經杯，就可以返工戴到臨放工先換都得。咁就唔洗成日入厠所密密換咁麻煩，都唔洗怕戴得耐有臭味，或者焗到妹妹有機會細菌感染。
而且月經杯放係陰道無感區，頭一日用月經杯未必攞到個位咁啱，會擺出咗有啲un住un住嘅感覺，但換多一兩次就上手，真正清爽兼點郁都唔怕漏。
好難放入去同拎出嚟？
其實有啲技巧嘅，搵啱自己的摺法，順住陰道好似綿條咁推入去就可以。矽膠杯會自動彈開，貼實陰道壁成為真空狀態徹底堵截經血。
拎返出嚟嘅時候，只要按實末端解除真空狀態，就可以輕鬆攞返出嚟。有好多人以為放咗入去會入到拎唔返出嚟，其實月經杯同綿條一樣咁入架咋，唔會入到拎唔返出嚟。有人會大懵放入咗少少，或者郁郁下個尾都會縮咗入去。咁係正常嘅，因為個杯係陰道入面都會有少少調整，但唔會話啜咗入去子宮咁入。洗乾淨手撥開陰唇，伸手指入少少一摸就會掂到，一樣拎到出嚟。
陰道會越戴越闊？
其實陰道係有彈性，而月經杯嘅矽膠都唔係硬梆梆頂到實嘅。有男朋友親證成件事只不過係謠言（笑）
注意月經杯都會滿，但唔係好似一杯水斟滿到瀉個種。因為月經杯係置於陰道裡面，佢係傾斜嘅。所以月經杯裝到一半多啲，頂頭有啲細孔（方便拎返出嚟時解壓用）會漏出經血，所以要注意自己流量去就返時間更換。
_________________________________
相關連結: 18Gifts 有齊全的月事用品可供選擇: https://www.18gifts.com/product-category/woman-collection/menstrual-cups-and-cares/
Intimina – Lily Cup Compact – 月經杯 Size A: https://www.18gifts.com/all-products/intimina-lily-cup-compact-size-a/
Intimina – Lily Cup – 月經杯 Size B: https://www.18gifts.com/all-products/intimina-lily-cup-size-b/
想睇更多 18 Gifts 嘅分享？即Like 18 Gifts Facebook: www.facebook.com/18gifts
Copyright©2013 – 17 | 18 Gifts – 成人用品店 | 版權所有，未經許可，不得轉載。
